LÍFSNÁM

Bragi Þór Svavarsson
Skólamestari MB
 

Menntaskóli Borgarfjarðar er ungur einkarekinn framhaldsskóli sem hefur frá stofnun farið ótroðnar slóðir þegar kemur að innihaldi náms og skipulagi. Skólinn hefur síðustu mánuði verið að vinna að enn frekari þróun skólastarfs og stóð fyrir ráðstefnu  undir heitinu „Menntun fyrir störf framtíðar“ vorið 2020, sem og starfaði verkefnahópur á vegum skólans síðastliðinn vetur og skilaði niðurstöðum á vordögum. Bragi mun fara yfir helstu niðurstöður þessarar vinnu með áherslu á sýn unga fólksins sem tók þátt í þessari vinnu.

Bragi Þór lauk prófi frá kennaradeild Háskólans á Akureyri árið 1999 og meistaraprófi í forystu og stjórnun frá Háskólanum á Bifröst árið 2017. Hann tók við sem skólameistari Menntaskóla Borgarfjarðar í upphafi árs 2020 en þar áður starfaði hann  hjá Íslandsbanka frá árinu 2007, fyrst um fjögurra ára skeið sem þjónustustjóri en frá árinu 2011 sem breytingastjóri og deildarstjóri í tækniþjónustu bankans. Áður var Bragi Þór kennari við Grunnskólann á Varmalandi og síðan vefstjóri og umsjónarmaður kennslukerfis við Háskólann á Bifröst um sex ára skeið.

ÞAÐ SEM KEMUR OKKUR HINGAÐ KEMUR OKKUR EKKI ÞANGAÐ

Ingvi Hrannar Ómarsson
Kennari & Nemandi við Standford          Graduate School of Education

Hvað við getum gert til þess að undirbúa nemendur fyrir framtíðina þeirra, en ekki fortíðina okkar?

Fyrirlestur í 3 hlutum: Innihald, skipulag og framkvæmd skólastarfs.

Ingvi Hrannar er grunnskólakennari og frumkvöðull með meistaragráðu frá Stanford Háskóla í Bandaríknunum. Hann er handhafi Íslensku menntaverðlaunanna 2020 fyrir fyrir framúrskarandi stuðning við starfsþróun íslenskra kennara með miðlun framsækinna hugmynda um skapandi skólastarf, nýsköpun og upplýsingatækni. Ingvi Hrannar hefur haldið fyrirlestra og vinnustofur um allan heim um framtíðarfærni og aðstoðað skóla og fræðsluskrifstofur með ýmiskonar stefnumótun og innleiðingar.


RÆKTUN MENNSKUNNAR - VIÐ ERUM ÖLL UPPALENDUR

Dr. Sigrún Aðalbjarnardóttir                     Prófessor emeritus við Háskóla           Íslands

Dr. Sigrún Aðalbjarnardóttir er virtur vísindamaður á sviði uppeldis- og menntunarfræða. Rannsóknir hennar miða að því að auka þekkingu og skilning á þroska og velferð barna og ungmenna og hvernig megi stykja þau bæði heima fyrir og í skóla- og frístundastarfi.
 

Kennsla Sigrúnar er aðallega á sviði þroskasálfræði, áhættuhegðunar og seiglu ungs fólks auk borgaravitundar þess í lýðræðisþjóðfélagi.
 

Sigrún hefur hlotið ýmsar viðurkenningar fyrir vísindastörf sín og árið 2012 hlaut hún ,,Riddarakross hinnar íslensku fálkaorðu“ fyrir störf í þágu uppeldisvísinda og menntunar.
 

Sigrún lauk kennaraprófi frá KÍ 1969, BA-prófi í uppeldisfræði frá HÍ 1983 og bæði meistaraprófi og doktorsprófi frá Harvard University í Bandaríkjunum, Graduate School of Education í deildinni Human Development and Psychology árið 1988.

HEIMAKENNSLA

Sólveig María Svavarsdóttir

Hvers vegna að synda á móti straumnum og fara aðra leið en hina hefðbundu?

Tækifærin sem felast í því að kennarinn elti nemandann í námi fremur en nemandi elti kennarann. Sannarlega einstaklingsmiðað nám stýrt af áhugahvöt nemanda.

Allt lífið er nám. Hamingjusamur nemandi nemur meira. Aukin fjölskyldunánd, samvera og tengsl í hröðu nútímasamfélagi.

Sólveig María er er grunnskólakennari og móðir fjögurra barna. Hún er varaformaður Hæglætishreyfingar Íslands. Hún leggur áheyrslu á hægt líf, meðvitund og tengsl í uppeldi barna sinna. Hún hóf heimakennslu ágúst 2021.


WWW.HLUSTUM.IS
Þóra Jónsdóttir
Lögfræðingur hjá Barnaheillum & Markþjálfi

​Þóra kynnir nýjan vef www.hlustum.is sem er samskiptafræðsla fyrir forelda og þá sem starfa með og fyrir börn. Hlustum.is hvetur fullorðna til að virkja börn til samtals og bjóða þeim uppá nýja tegund hlustunar.