ÞARF LÆRDÓMSUMHVERFIÐ AÐ UMTURNAST?

Hvert er aðalmarkmiðið með skólagöngunni og hvar viljum við að unga fólkið sé statt að loknum þessum mótunar- og lærdómsárum?

Hvað ef aukin áhersla væri lögð á að ungmenni öðlist kærleika gagnvart sjálfu sér, þannig að hvert og eitt hafi lært að bera kennsl á sína styrkleika og geti borið þá með stolti? Að þau geti lesið sér til þekkingar til þess að eflast sjálf og verða færari í samskiptum? Öðlist færni í þekkja markvissar leiðir til að líða vel með öðrum, hvernig leysa á deilur og viðhalda sterkum tengslum? Eflast til að vera færari í að skilja eigin líðan og annarra, hafa stjórn á sjálfu sér og öðlast vellíðan? Hvað ef lærdómurinn væri m.a. fólginn í því að finna fyrir gleði og kunna leiðir til að skapa þá tilfinningu? Að hafa lært að tileinka sér jákvæðni og kunna að beita henni? Að vera frjáls til að nálgast viðfangsefnin á skapandi hátt?